ISCRIZION di SOZI

N déssa vester scric it per pudei se nuzé dla nfurmazion y di servijes de urganisazion dla lia SANYNTON . Paian it uni ann n contibut de min. Euro 10,00  iesen sozio dla lia (dai 18 ani nsu).
 

Duc possa to pert a chel che la lia pieta te si prugram publich y a chel che ven urganisá n plu.

LA CHERTES DE ISCRIZION ie da giapé
tl Residence Bruna, str. La Selva 101, te SELVA
te Cesa VAL,  str. Val 2,  te SELVA
pra duta la minifestazions publiches,
sce damandeis tres e-mail ve mandon engh gén tres posta: info@sanynton.eu

Do avei paiá vosta iscrizion y dajan ju vosc dac y adres,  ven data de reviers na pert dla cherta scrita ora, firmeda per cunferma y che vél per chest ann.
Vosc dac sotstà ala lege taliana per la privacy y ven tratei dai responsabli dla lia, me per fins nternesc dla lia  y per fe alsavei prugrams.
Ve scrijan su, dajeis vosc bensté ai respunsabli dla lia SANYNTON de pudei trate vosc dac y adres tla lia.

VANTAJES DO LA ISCRIZION:
* Pudeis to pert a l' ativiteies publiches y duta l'autres urganisedes da la lia;
* Seis nviei a se ancunté, a dis de "porta davierta" , a seires de nformazion, meditazions o auter.
* N po se nuzé de servijes y dla strutura per ancuntedes, barat culturel y de nteresc tl temp liede,
 fajan al savei danora temps y tema; (prugram)
* La lia SANYNTON met  a disposizion la meisa de libri da pudei liejer/consulté ilò o da mprestè ora.
* L ven dat la puscibilitá de ancunté y cunescer persones cumpetentes, specialisc tl ciamp alternatif y to su cuntat, damande nfurmazions y se scri su per tratamenc;
* Ai sozi  ven dat l mesum de giapé y dé inant cunseis, nfurmazions y de purte dant bona ideies, se nuzan dla persona de cuntat y/o tres e-mail: info@sanynton.eu 

I sozi scric it, possa per primes to pert a duc i cursc y seminares organisei da la lia à n bon priesc.
I tratamenc da prufesionisc ié da paié ala persona cumpetenta che fesc l servisc.

CULAURADEURES che ié scric it y a paiá l cuntribut anuel minimo de Euro 10,00, po se nuzé dla senta y dla strutura dla lia SANYNTON per si ativiteies y leur, per cursc y seminares o tratamenc, dajan ju n prugram 3 mensc dan scumencé. (speises extra,da valuté).

L'ATIVITEIES VEN CUNZENTREDES
TI MENSC D' ANSCIUDA Y D'AUTON, DE UNI ANN.